Прыйшлі летнія канікулы. Шмат школьнікаў горада праводзяць першы іх месяц у аздараўленчых лагерах, якія адкрыліся ў навучальных установах. Там хлопчыкі і дзяўчынкі не толькі адпачываюць ад напружанага навучальнага года, але і могуць прадэманстраваць свае творчыя здольнасці ў розных мерапрыемствах. Не абыходзяць яны ўвагай і музеі горада.
У 2024 г. Нацыянальны Полацкі гісторыка-культурны музей-запаведнік (НПГКМЗ) прапануе юным палачанам летнюю пазнавальную праграму «На канікулах — у музей!», мэтай якой з'яўляецца пашырэнне ведаў школьнікаў па гісторыі і культуры роднай зямлі. Краязнаўчы музей Полацка, філіял НПГКМЗ, запрашае навучэнцаў 4-5-х класаў на музейна-педагагічны занятак «З гісторыі савецкага гандлю», падчас якога яны пазнаёмяцца з рознымі відамі і формамі гандлю ў мінулым стагоддзі, змогуць убачыць прыстасаванні для ўзважвання і разлікаў, а таксама паспрабаваць сябе ў ролі прадаўца.
Музей чакае юных наведвальнікаў!