Ноч напярэдадні Купалля са старажытных часоў лічыцца часам, калі адбываюцца цуды. Паводле народных павер’яў, у Купальскую ноч з неба сыходзіць агонь Перуна, і менавіта ў гэты момант расквітае папараць-кветка.
У калекцыі «Папараць-кветка”, створанай пад кіраўніцтвам Кашпар Г.А., выкладчыка УА «Полацкі дзяржаўны хіміка-тэхналагічны калледж», этнічныя матывы беларускага касцюма сплятаюцца з сучаснай модай і старажытнымі традыцыямі, магічная «Папараць-кветка» абуджае ўспаміны пра язычніцкія абрады нашых продкаў.
Запрашаем наведаць выстаўку з 2 кастрычніка па 12 лістапада.
Час працы 10:00 - 17:00, акрамя панядзелка