У Нацыянальным Полацкім гісторыка-культурным музеі-запаведніку падвялі вынікі мінулага 2021 года.
У гэтым годзе нас наведалі 177 307 чалавек.
Музейны фонд папоўніўся на 2 440 прадметаў музейнага значэння.
Было арганізавана 54 выстаўкі разнастайнай тэматыкі.
Прайшлі XXXІII Міжнародны фестываль старажытнай і сучаснай камернай музыкі і XXVI Міжнародны фестываль арганнай музыкі «Званы Сафіі».
Супрацоўнікі запаведніка на працягу года вялі актыўную навуковую дзейнасць, удзельнічалі ў навуковых канферэнцыях, публікавалі вынікі сваіх даследаванняў у навуковых часопісах, зборніках, розных сродках масавай інфармацыі.
Па выніках працы лепшымі навуковымі супрацоўнікамі 2021 года ў музеі-запаведніку прызнаны:
Ірына Пятроўна Воднева — загадчык Краязнаўчага музея
Таццяна Іванаўна Ларыёнава — вядучы навуковы супрацоўнік музея гісторыі архітэктуры Сафійскага сабора
Аляксандр Аляксандравіч Салаўёў — вядучы навуковы супрацоўнік навукова-рэстаўрацыйнага аддзела
Алеся Анатольеўна Якімовіч — мастак-рэстаўратар рэстаўрацыйных майстэрняў
Дзіяна Андрэеўна Кашкур — старшы навуковы супрацоўнік
Віншуем калег і жадаем новых творчых здзяйсненняў у новым годзе!!!