Усё мацней адчуваецца подых восені: светлавы дзень становіцца меншым, лісты на дрэвах пачынаюць набываць залацістую афарбоўку, але подых ветру яшчэ цёплы і прыемны… У такі час хочацца абуць боцікі і пайсці шпацыраваць па восеньскаму Полацку, праводзячы апошнія цёплыя дзянькі.
З гэтай нагоды ў нас ёсць для вас прапанова! 21 верасня а 13-й гадзіне ў Музеі традыцыйнага ручнога ткацтва Паазер’я пройдзе фальклорнае свята «На Багача ўсяго багата».
Ад нас:
- Роспіс сурвэткі.
- Майстар-клас па жніўных песнях.
- Абыход з «багачом».
- Невялічкі восеньскі кірмаш.
Ад вас:
- Запрасіць сябра на мерапрыемства і прыйсці да нас.
- Захапіць добры настрой.
Увага! Колькасць месцаў абмежаваная! Абавязковы папярэдні запіс па тэл. 46-30-41.
